كود معرفة رصيد فودافون كاش حتي لو نسيت الباسورد

لو اتحولك فلوس من محفظة تانية أو لو عاوز تتاكد معاك قد اي فلوس علي محفظة فودافون كاش فهنعرف كل التفاصيل دي وكمان لو انت نسيت باسورد المحفظة هنوضحلك ازاي تسترجعها .

كود معرفة رصيد فودافون كاش :

• علشان نعرف معانا فلوس قد اي علي محفظة Vodafone Cash هنطلب الكود المختصر #13*9* .
  
• بعدين هيطلب منك الرقم السري للمحفظة وبيكون مكون من 6 أرقام هنكتب الرقم السري .
  
• وهنا جابلي رسالة ان معايا رصيد في حساب فودافون كاش “182.78“ جنية .
  
• اما بقى لو انت كتبت الرقم السري وجابلك الرسالة دي ان “الرقم غير صحيح” يبقي انت نسيت الباسورد وهنشوف دلوقتي ازاي نسترجع باسورد المحفظة .
  

تغيير الرقم السري فودافون كاش :

• اكيد طبعاً انت نسيت الباسورد وعلشان نعمل اعادة تعيين لباسورد المحفظة هنطلب الكود المختصر #12*9* .
  
• هيطلب منك تدخل الرقم القومي المكون من 16 رقم الخاص بصاحب محفظة فوادفون كاش ومينفعش تكتب بطاقة اي شخص غير صاحب الخط للي فاتح المحفظة باسموا ، وهنكتب الرقم القومي من الشمال لليمين .
  
• بعدين هيطلب منك تدخل رقم سري جديد للمحفظة مكون من 6 ارقام ومينفعش الباسورد يكون ارقام متشابهة جمب بعض مثال : 66666 لازم الارقام تكون مختلفة عن بعض .
  
• بعدين هيطلب منك تأكد نفس الباسورد مرة تانية وهندوس بعد كدا علي ارسال .
  
• كدا خلاص جابلي رسالة انه تم تغيير باسورد محفظة فودافون كاش ونقدر دلوقتي نطلب كود استعلام رصيد فودافون كاش للي هو #13*9* ونعرف معانا فلوس قد اي علي المحفظة .
  

رقم خدمة عملاء فودافون كاش :

لو واجهتك اي مشكلة علي محفظة فوادفون كاش ، ممكن تتواصل مع خدمة العملاء علي رقم “7001” وتكلفة المكالمة 50 قرش للمكالمة كلها .