رقم خدمة عملاء فودافون المجاني بدون دفع 50 قرش

احنا ديماً بنحتاج نكلم خدمة عملاء فودافون علشان الرصيد بيتسحب مننا وبنبقي عاوزين نعرف لي ؟ بس المكالمة بتحتاج لي 50 قرش ودا سعر مكالمة فودافون ، ومنقدرش نكلم خدمة عملاء فودافون من رقم 010 تاني علشان نستفسر عن الخدمات للي سحبت من رصيد الرقم الاول علشان كدا محتاجين رقم مجاني نقدر نتابع خدمة عملاء Vodafone علية .

ازاي اكلم خدمة عملاء فودافون ببلاش؟

الطريقة العادية للي بنكلم بيها خدمة عملاء Vodafone من خلال الاتصال على 888 وبيخصم من سعر المكالمة 50 قرش للمكالمة كلها ، ولكن فيه طريقة واحدة فقط تقدر تكلم خدمة العملاء من غير اي رصيد وهي عن طريق شات فودافون اونلاين من الموقع الرسمي بتاعهم ، ولكن انت لو علي نظام فليكس تقدر عادي تكلم خدمة العملاء من تطبيق انا فودافون .

للتحدث مع خدمة عملاء فودافون مجانا عن طريق الشات اونلاين

1. اول حاجة هندخل على موقع انا فودافون  .
2. وهدوس على ايقونة الحساب واضغط على تسجيل الدخول .
3. هيطلب مني اكتب رقم الموبايل الخاص بشركة فودافون والباسورد ، ولو انت سجلت قبل كدا على تطبيق انا فودافون اكتب الباسورد بتاع التطبيق ، لكن اكيد انت نسيت الباسورد فدوس علي كلمة ” هل نسيت كلمة المرور ” وتابع بقيت الخطوات .
   
   
4. بعد ما سجلت دخول برقمي ، هدوس علي ايقون فودافون .
   
   
5. وهختار اللغة عربية .
   
   
6. وهختار كلمة “الدعم الفني للـ mobile internet” علشان يوصلني بإي حد في خدمة عملاء فودافون .
   
   
7. بعدين هختار كلمة (تنشيط خدمة الموبايل انترنت) .
   
   
8. وبعدين هختار “تشات مع أحد موظفينا” ، وهستني حد من خدمة عملاء الشات يرد عليا .
   
   
9. هنا الموظف رد عليا واسمه حسام ، ولكن دا موظف خدمة عملاء الانترنت الارضي هكتبلة حولني بخدمة عملاء 010 .
   
   
10. بعد التحويل بخدمة عملاء شات فودافون هكتب للموظف الاستفسار بتاعي وهيساعدني بدون ما احتاج اكلم رقم خدمة عملاء فودافون 888 .
    

للتحدث مع خدمة عملاء فودافون مجانا عن طريق تطبيق انا فودافون :

اولاً لازم تكون علي نظام باقة زي نظام فليكس علشان تقدر تكلم خدمة العملاء من تطبيق انا فودافون ، لو انت علي نظام الـ 14 قرش هتقدر تكلم خدمة عملاء Vodafone من خلال موقع فودافون فقط زي ما شرحناها في بداية المقالة .

• بعد ما فتحت تطبيق انا فودافون وانا علي نظام باقة فليكس هدوس علي كلمة “المزيد” .
  
• وبعد كدا هختار كلمة “تواصل معنا” .
  
• وهختار اللغة “العربية” .
  
• بعد كدا هختار كلمة “استمرار الشات” .
  
• وهنا البوت رد عليا يعني مش شخص حقيقي ، هكتبلوا “عاوز اكلم خدمة العملاء” وهنا هكتب الجملة دي 3 مرات كالتالي : 

  

  

• بعد كدا هيظهرلي كلمة “إستفسار اخر” ادوس عليها ، وهستني بعدها لما حد من خدمة العملاء يرد عليا .
  
• بعد ما استنيت اقل من 30 ثانية خدمة العملاء ردت عليا والموظفة هنا اسمها “سما” هتقولهم الاستفسار للي انت عاوزة وهما هيساعدوك بإذن الله .
  

ارقام خدمة عملاء فودافون الاخري :-

• رقم خدمة عملاء فودافون افراد “888” ودي بتخصم 50 قرش للمكالمة كلها ، ولو عاوز تكلمهم من رقم اخر غير فودافون زي اورنج او اتصالات او we من خلال رقم “16888” وبتتحاسب بـ سعر الدقيقة الواحد 19 قرش ، او تتصل بيهم من اي خط ارضي على “0225224888 أو 0225292888” وسعر المكالمة في الدقيقة الواحدة بتخصم 3 قروش .
• خدمة عملاء فودافون كاش “7001” ودي بتخصم 50 قرش للمكالمه كلها .
• خدمة عملاء فودافون adsl وهي رقم”2828” ودي بتخصم 50 قرش للمكالمه كلها ، او تتصل بيهم من اي خط ارضي على “0225224888 أو 0225292888” وسعر المكالمة في الدقيقة الواحدة بتخصم 3 قروش .
• خدمة عملاء فودافون ريد “1100” بتكون المكالمة مجاناً بس لازم تتواصل من نفس الرقم للي عليه نظام ريد ودا بيكون خط فواتير .
• خدمة عملاء فودافون بيزنس “247” وبتكون مجاناً لاول 4 مكالمات في الشهر وبعد كدا بتكون المكالمة بـ 50 قرش للمكالمة كلها ولازم تتواصل من نفس الرقم للي عليه نظام بيزنس او بيتقال عليه نظام خط الشركات .
• خدمة عملاء فودافون اون لاين “838” ودي بتخصم 50 قرش للمكالمة كلها او تتصل بيهم من اي خط ارضي على “0225292860” ، ودا بيكون قسم الخاص بالشراء اونلاين يعني لو هتشتري موبايل وعاوز تعرف تفاصيل التقسيط .